hér að neðan eru svör við þeim fyrirspurnum sem okkur barst í desember 1999. þeim er raðað í öfuga tímaröð, þannig að nýjustu spurningarnar koma fyrst.   pétur spurði 30. desember 1999 : ,,allt í lagi, síðustu tvær plötur, frábærar plötur! en afhverju aðeins 20 lög fyrst þið hafið (nú til dags) þennan hæfileika að gera þau öll góð?" og við svöruðum : ,,...ég vil byrja á því að taka fram að við erum mjög ánægðir með allt sem við höfum gert en ekki aðeins síðustu tvær plötur.  en af hverju aðeins tuttugu lög á fjórum árum?  það eru margar góðar og gildar ástæður fyrir því. hér eru þær helstu sem mig dettur í hug (í engri sérstakri röð): 1. þegar maður gefur út plötu fer mikill tími í að fylgja henni eftir eins og að spila á tónleikum út um allt land. á því tímabili er lítið um æfingar hjá hljómsveitinni og því lítið um lagasmíðar í gangi. 2. við búum nú einu sinni á íslandi og því ekki möguleiki fyrir okkur að geta fengið sómasamleg laun fyrir að vera í rokkhljómsveit.  því þurfum við að vinna fulla vinnu einhversstaðar út í bæ og láta hljómsveitina vera aukavinnuna.  því eru menn gjarnan orðnir þreyttir á kvöldin þegar kemur að því að semja lög. 3. okkur finnst nauðsynlegt að hvíla hljómsveitina á markaðnum hér á landi enda ekki stór markaður á ferðinni.  við viljum frekar koma ferskir inn þegar við gefum út plötu og reyna að koma á óvart. 4. 10 lög er nokkuð hæfilegur lagafjöldi á plötu að okkar mati.  hver kannast ekki við það að eiga plötu sem á sína spretti en er allt of löng og alls ekki nógu heilsteypt.  a.m.k. gerum við það og því viljum við gefa út hæfilega langar plötur sem liggja því mun betur við hlustun. 5. við gefum ekki út lög nema að vera allir 100% ánægðir með útkomuna.  þetta dregur sjálfsagt mjög úr framleiðslu laganna en að sama skapi gerir þau betri enda þvílíkt gæðaeftirlit á ferðinni. 6. ef þú lítur til þekktra hljómsveita út í heimi þá eru yfirleitt tvö til þrjú ár á milli platna hjá þeim og stundum meira og því ekkert óeðlilegt við okkur!  ...ég vona að við höfum náð að svara spurningu þinni :)"   "usamah bin muhamad bin laden" spurði 29. desember 1999 : ,,hvað er allt bateríið stórt hjá ykkur með umboðsmanni ykkur og eru einhverjir fleiri eru þið ekki með rótara?" og við svöruðum : ,,...við erum ekki með neinn umboðsmann því við sjáum um öll slík mál sjálfir.  rótara tökum við með okkur þegar við förum út á land svona til að hjálpa okkur með ýmislegt.  batteríið er því ekkert voðalega fjölmennt hjá okkur undir venjulegum kringumstæðum.  stundum hleður það þó á sig fólki þegar eitthvað ákveðið er í gangi, eins og t.d. á útgáfutónleikunum okkar síðustu þegar vel yfir 20 manns komu að vinnu við þá með einum eða öðrum hætti."   sóley spurði 28. desember 1999 : ,,heirru....ætliði að spila á einhverjum árshátíðum árið 2000????" og við svöruðum : ,,...við höfum hvergi bókað okkur að svo stöddu en það má búast við að maus spili á einhverjum árshátíðum á komandi ári.  það verður bara að koma í ljós síðar hvar og hvenær það verður."   orri spurði 26. desember 1999 : ,,ég var hérna að velta því fyrir mér hvort riðgaði geimgingillinn og maðurinn með járnröddina væri eini og sami maðurinn. sem sagt maðurinn með járn röddina gerist á undan riðgaður geimgengill. (svona eins og star wars ævintýrið þar sem byrjunin var ekki gefin út fyrst). fyrst þá syngur hann um hve mikils virði röddinn hans er í laginu um manninn um járnröddina, en svo í riðgaður geimgengill er hann allur orðinn riðgaður og þar með talinn röddin og hann er allur niður brotin og líður eins og honum sé hafnað af öllum.....annars á ég mjög erfitt með að fatta textan um riðgaða geimgengilinn og getur velverið að ég hafi ekki túlkað hann rétt..........til gamans geta þá datt mér í hug radiohead lagið "my iron lung" (sem hefur mjög torfattanlegan texta) þegar ég heyrði fyrst titilinn "maðurinn með járn röddina"?" og við svöruðum : ,,...nei, það er ekkert samhengi með texta þessara laga.  í manninum með járnröddina syngur biggi um sjálfan sig, en í ryðguðum geimgengil er hann að syngja um hvernig tískuafbrigði geta mismunað fólk i!!  ..og hana nú !  :) "   hædý (dídí á mánud.) spurði 24. desember 1999 : ,,af hverju í bbbbbbbbbíííííííbbbbbbbbb er verið að halda sitjandi tónleika með ykkur og fleiri svona böndum t.d. ensími og botnleðja já það er svo kósí að sitja í myrkri og hlusta á góða tónlist, halló !!!!!!!! hvað er verið að pæla maður á að hoppa dansa láta eins og fífl, hreyfa sig eki sitja eins og klessa hvað er fólk að pæla ????????" og við svöruðum : ,, ...ég veit ekki hvað skal segja.  við spilum bæði á tónleikum og böllum þar sem fók fær að "hoppa og dansa og láta eins og fífl" og líka á tónleikum þar sem fólk "situr eins og klessa" og horfir á okkur spila.  ég sé að þér finnst skemmtilegra að láta eins fífl og því verður þú að mæta oftar á þannig tónleika.  síðan er líka vandamál hér í borginni að það eru engir góðir tónleikastaðir og eru því haldnir tónleikar í sölum eins og t.d. bíóborginni.  sá salur gefur síðan barasta ekki færi á mikilli slammstemmningu. bara sorrý!!!"   margrét spurði 23. desember 1999 : ,,hvernig stendur á því að flest en þó ekki böll með ykkur eru svolítið illa auglýst? eða spilið þið kannski ekki oft? maður heyrir svo lítið af því. hvar voruð þið um síðustu verslunarmannahelgi? ég mæli með þjóðhátíð í eyjum á þeirri næstu, það yrði geðveikt. annars bara takk fyrir að vera besta hljómsveit á Íslandi... :)" og við svöruðum : ,,...ég veit ekki hvað ég á að segja um auglýsingarnar, nema að þær eru sjaldnast í okkar höndum. þú getur lesið allar tónleikaumfjallir okkar frá upphafi maus hér á maus.is og séð hvar við vorum hverju sinni.  verslunarmannhelgin er ekki eitthvað sem við lifum fyrir og erum við því oftast bara útaf fyrir okkur og höfum t.d. aldrei spilað á þjóðhátíð. það er þó aldrei að vita nema við kíkjum einhvern daginn, en að lokum: takk fyrir að finnast við besta hljómsveit á íslandi !!"   haukur spurði 22. desember 1999 : ,,áður en ég skelli spurningu minni framan í ykkur... verð ég bara að játa það að þetta er einhver sú flottasta heimasíða sem ég hef séð! punktur. eða reyndar upphrópunarmerki... og trúið mér, ég ætti að hafa eitthvert vit á þessu eftir að hafa gert lítið annað sl. 2 ár en að spila á gítar og hanga á netinu...ójá, eitt enn áður en ég kem að spurningunni... á textasíðunni... stendur: "leit af orðum..." bara svona uppá djókið, en það er réttara að segja "leit aÐ orðum...", heh... minnir mig á villu á 2. plötu sigur rósar (vonbrigði) þar sem stóð "leit af lífi" þó svo að upprunalega héti lagið "leit að lífi" þ.e.a.s. á von-plötunni. jeij, loksins kemur spurningin: þar sem ég er rosalegur radiohead aðdáandi lá mér bara forvitni á því að vita, fílar enginn af ykkur radiohead? á síðunum um ykkur nefniði helling af tónlistarguttum, en hvergi radiohead. komm onn. einhver af ykkur hlýtur að sjá snilli radiohead. eða hvað? ..." og við svöruðum : ,,...takk fyrir hólið haukur.  við reynum að gera okkar besta, hvort sem það er í lagasmíðum eða vefsíðugerð! takk líka fyrir ábendinguna um "stafzetttnyngarvilunna", hún hefur þegar verið löguð! ...gerum greinilega ekki okkar besta þar á bæ, en maður verður nú að fá að skíta á sig í einhverju!!!!   ...í sambandi við raidiohead þá fílum við allir þá ágætu hljómsveit mjög mikið.  það kemur mér meira að segja mjög á óvart að enginn af okkur skuli nefna þá, og ekkert nema fljótfærni þar á ferðinni.  þetta er nefnilega enginn endarlegur listi hjá okkur, heldur kannski meira svona brot af uppáhalds hljómsveitum og tónlistarmönnum.  fyrst fílaði reyndar danni ekki raidiohead, því hann þoldi ekki "the bends" plötuna og reyndum við allt sem við gátum að reyna að koma honum í skilning um að raidiohead væri frábær hljómsveit.  það tókst ekki fyrr en "ok computer" kom út því hann fílar hana mjög vel, enda frábær plata á ferðinni.  það var eitthvað við "soundið" á "the bends" sem pirraði hann.  ég (eggert) var hins vegar að hlusta á báðar þessar plötur núna nýlega og ég verð bara að segja að mér finnst "the bends" endast mun betur, þó svo hér sé um tvær mjög ólíkar og mjög svo frábærar plötur að ræða.  fyrstu plötuna "pablo honey" hef ég persónulega ekki enn gripið, þó svo að "creep" sé algjör klassík !"   gazzi spurði 16. desember 1999 : ,,eruð þið að gera e-ð stórt á næstunni ? hvað geriði um aldaárþúsundamótin ? haldiði að þið komið e-ð austur aftur, (þ.e.a.s. ef stemmingin væri aðeins betri en síðast) ? samt meiriháttar tónleikar. váá, djöfull get ég kjaftað ! auf wiedermausen..." og við svöruðum : ,,...eitthvað stórt? nei, það er ekki mikið meira á dagskrá okkar það sem eftir lifir af öldinni.  ætli við verðum ekki í faðmi fjölskyldunnar um árþúsundskiptin og jú, við munum örugglega koma aftur austur.  bara vonandi fljótlega á næstu öld."   félagsmiðstöðin vitinn, hafnafirði spurði 16. desember 1999 : ,,verður mögulegt að fá jólalagið ykkar í ár ,,ég hlakka svo til" á mp3 formatti, jafnvel hérna á síðunni?" og við svöruðum : ,,...nei, því miður, við eigum nefnilega enga upptöku af því sjálfir.  ég ætla samt að tékka á því hvort x-ið geti kannski gefið okkur upptöku og þá mundu við glaðir gefa lagið hér á maus.is!"   "massi" spurði 15. desember 1999 : ,,hjálpaði "rassi" eitthvað til með nýja vefinn? " og við svöruðum : ,,..."rassi" fékk að kommenta fullt á vinnslustiginu og það er alltaf ágætis hjálp. "hjassi" kom hins vegar hvergi nærri !!"   pétur spurði 15. desember 1999 : ,,breyttist "allt sem þú lest er lygi" eitthvað frá því að það varð vinsælt og þar til það var gefið út á nýja disknum? t.d. söngurinn eða textinn. " og við svöruðum : ,,...já, við tókum lagið upp aftur og því hefur söngurinn breyst. textinn er sá sami en það leynast kannski eitt og eitt orð sem eru ekki alveg nákvæmnlega eins.  lagið er líka pínulítið hægara á nýju plötunni heldur en á kvistum og "liggur" miklu betur.  svo er hljómurinn líka töluvert betri núna."   þorbjörn spurði 14. desember 1999 : ,,ég var að skoða síðuna ykkar og ég leitaði í tónleikaumjöllun hjá ykkur og skrifaði "Ísafjörður" og þá koma aðeins tvennir tónleikar/böll þar fram en fyrir utan frystihúsarokk og skrallið 1999 hafið þið komið ísafjarðarbíó með stjörnukisa" og við svöruðum : ,,...ástæðan fyrir því að það komu aðeins tvær niðurstöður er sú að í hinum umfjöllunum kemur greinilega ekki fram orðið "ísafjörður".  í staðinn kemur fram "ísafirði" eða "ísafjarðarbíó".  prófaðu þá bara að leita af: "ísa". maus hafa nefnilega 4 sinnum spilað á ísafirði, eða nágreni: í menntaskólanum, í bíóinu, í frystihúsinu og á skrallinu í bolungarvík. aldrei efast um að maus gleymi einhverjum tónleikum, hvað þá á ísafirði!!"   gazzi spurði 14. desember 1999 : ,,djöfulli góð síða, þá á ég við nýju uppsetninguna ! mjög gott hjá ykkur að bjóða eins heitum maus-aðdáanda og ég er að geta sótt mp3 fæla af óútgefinni tónlist. ég spyr, eigiði meira svona sætt og óútgefið ? og að auki, nýja platan ykkar fellur vel að mínu eyra.... hreint fiturokk !!! funakveðja, gazzi, heitasti mausari fyrir austan fjall." og við svöruðum : ,,...hey, takk fyrir þetta gazzi.  þú ert ekki sem verstur sjálfur! en jú, við eigum fullt af mp3 mauslögum í pokahorninu og aldrei að vita nema við setjum þau út á netið við tækifæri"   "nonni" spurði 14. desember 1999 : ,,hvaða nonnabiti finnst ykkur bestur? eruði til í að koma á plaggat og auglýsa nonnabita? ég fíla lagið ykkar "stick em up" alveg í botn! " og við svöruðum : ,,...rækjunonni hefur vinninginn og nei, því erum samningsbundnir "settu-loku" á ísafirði. að lokum verðum við að taka fram við þig, elsku "nonni", að þú ert að rugla okkur við aðra miklu frægari hljómsveit. það voru nefnilega beasty boys sem gáfu út prómóplötuna "stick'em up" árið 1993 á mca records."   binni spurði 14. desember 1999: ,,ætliði að taka nýju útgáfuna af k-nótt á morgun? " og við svöruðum : ,,...já ég býst svo sannarlega við því. "   trustus jones spurði 13. desember 1999: ,,hvernig er það með metnað....getur hann stökkbreyst í hroka?" og við svöruðum : ,,...já það er góð spurning, sérstaklega ef þú eykur hraðann aðeins um of!"   tinni spurði 13. desember 1999: ,,ég var bara að spá sko.......biggi er með smásögurnar sínar sem er frábært....en fáum við ekki að lesa ferskeytlurnar hans eggerts??það væri frábært sko.......æ nó jú ken dú itt egg!" og eggert svaraði : ,,...ferskeytlurnar mínar verða að bíða betri tíma. þeir verða leynivopnið ef illa fer í bransanum."   arnar spurði 11. desember 1999: ,,hver er þessi maus eiginlega?" og við svöruðum : ,,...maus, hann er þéttur!"   tinni spurði 11. desember 1999: ,,eggert....hvað varð um lubbann þinn?" og eggert svaraði : ,,..."hann er farinn kemur aldrei aftur", svo að maður vitni nú í ógleymanlegt mússíktilraunaband !"   gyða spurði 11. desember 1999 : ,,hvað heitir nýfædda dóttir hans danna? " og við svöruðum : ,,...hún heitir iðunn."   hannes spurði 11. desember 1999 : ,,hvernig get ég nálgast lagið "skjár" með maus? " og við svöruðum : ,,..."skjár" var fyrsta lagið sem maus gaf út. það kom út á safndisk sem smekkleysa gaf út í tilefni 50 ára afmæli lýðveldis íslendinga. platan kom út á afmælisdaginn 17. júní 1994. þetta ansi merkileg plata og nauðsynlegur gripur fyrir rokksögu íslendinga. þarna eru hljómsveitir á borð við victory rose (nú sigur rós), björk (á íslensku), unun, tjalds gizzur, yucatan og margar fleiri. við sjáum svolítið eftir að hafa ekki gefið út lagið á okkar fyrstu breiðskífu, "allar kenningar heimsins... ...og ögn meira", sem kom út haustið eftir. við vorum bara ungir og vitlausir og vorum á þeirr skoðun að það ætti bara að gefa hvert lag út einu sinni. en við getum glatt þig með því að það er hægt að fá "skjá" sem mp3 lag hér á maus.is"